U3F1ZWV6ZTM2NTcxODYxMjE3MDQ3X0ZyZWUyMzA3MjY5MjQ1NjA0Mg==

طريقة طلب منخة مؤسسة محمد السادس للاعمال الاجتماعية لتدريس الابناء

معلومات : عن طلب منحة مؤسسة محمد السادس للاعمال الاجتماعية لتدريس الابناء

السلام عليكم،
نتكلم قليلا  على منحة التعليم الأولي لمؤسسة محمد السادس للتربية و التكوين ، و نقدم  التوضيحات التالية :

1. سؤال : ما هي  هذه المنحة؟

1 جواب: هذه المنحة قيمتهام  2000 درهم في العام خصصتها مؤسسة محمد السادس لأبناء المنخرطين لي غادي يتسجلو ابتداء من هاد الموسم 2019/2020 في المستوى الأول أو الثاني أو ما يعرف بالفرنسية ب LA MOYENNE SECTION ET LA GRANDE SECTION.

2) سؤال : شنو هما الشروط باش نستافد من هاد المنحة ؟

2 جواب : الشرط الوحيد و المهم هو خاص ولدك يكون مسجل في أحد المستويين لي دكرت الفوق و يكون عندو رمز مسار.

3) سؤال : الى سجلت ولدي في روض عادي ماعندهومش مسار، واش نقدر نستافد؟

3 جواب : لا، ماغاديش تستافد في التسجيل في موقع المنحة ضروري خاصك رمز مسار و خاصك شهادة مدرسية مستخرجة من مسار و إلا ما غاديش تكمل التسجيل في الموقع.

4)سؤال : باش غادي نعرف المؤسسة لي سجلت فيها ولدي عندهم مسار أو لا؟

4 جواب : قبل ماتسجل ولدك قل ليهم بغيت نسجل ولدي ولكن ضروري تعطيوني شهادة مدرسية مستخرجة من مسار قبلو مرحبا ماقبلوش غير المدرسة، أو غادي تدخل لموقع لي كانعمرو فيه طلب المنحة و تختار الجهة و الإقليم و الجماعة أو المقاطعة و نوع التعليم واش عمومي أو خصوصي، و غادي يعطيك المؤسسات لي عندهم مسار.

5) سؤال : أنا أستاذ و زوجتي كذلك، واش كل واحد فينا غادي يستافد بوحدو؟ أو واحد؟

5. جواب : هاد المنحة خاصة بكل طفل، يعني غادي تعطاكم مرة واحدة، يعني واحد فيكم لي غادي ياخدها.

6) سؤال : شنو الوثائق لي مطلوبين ؟ و كيفاش نعمرو ؟

6. جواب : الوثائق المطلوبة هي :

· نسخة من صفحة الدفتر العائلي الخاصة بالطفل المعني؛

· نسخة من بطاقة التعريف الوطنية للمنخرط؛

· نسخة من شهادة التسجيل بمدرسة للتعليم الأولي تتضمن وجوبا المعرف الوحيد للتلميذ (رمز مسار) الخاص بالطفل؛

· نسخة من شهادة التعريف البنكي (RIB) لحساب المنخرط، و الذي يتوصل فيه بأجرته الشهرية، أو نسخة من الشيك الخاص به.

غادي تعمر في الموقع التالي :

قبل ماتبدا عملية التسجيل، وجد الوثائق مصورة بالسكانير. و تبع المراحل الموجودة في هاد الدليل يمكنكم تحميله على الرابط التالي : 

7) سؤال : ما هو العمر المطلوب؟

7. جواب : المؤسسة لم تحدد العمر، قالو غير خاص الطفل يكون مسجل في la moyenne ou la grande section.

8) سؤال كيفاش نعرف ولدي أشمن مستوى خاصو يتسجل فيه؟

8. جواب:

· مواليد 2013:  هاد العام عندهم CP  أي التحضيري (السنة الأولى ابتدائي).

· مواليد ما بين 1 يناير و 31 مارس 2014: عندهم اختيار التسجيل في CP  هاد العام (يعني غادي يدخل على 5 سنوات و نصف)، أو يتسجلو في la grande section  و يستافدو من المنحة  ( يعني غادي يدخل للتحضيري على 6 سنوات و نصف). شكون فيهم لي مزيان : تايبقا على حسب مستوى التلميذ و قدراته و رغبة و رأي الوالدين...

· مواليد 1 أبريل 2014 إلى 31 مارس 2016 : عندهم الحق في التسجيل في المستوى الأول و الثاني من التعليم الأولي حسب العمر ديالهم.

· مواليد 1 أبريل 2016 و ما بعدها عندهم la petite section  يعني مايستافدو حتى للموسم المقبل.

9) سؤال : متى آخر أجل لدفع الطلب ؟

9. جواب: هاد العام استثناء دارو 30 نونبر، و مباشرة بعد انتهاء هذا التاريخ سيقفل موقع المنحة و يبدأ موظفو المؤسسة في معالجة الطلبات، و تصرف المنح بعد ذلك.

10). سؤال : أنا كاتقطع ليا المؤسسة من نهار توظفت، و لكن ما عنديش البطاقة واش غادي نستافد؟

10. جواب : ضروري من  البطاقة حيث باش تدخل لموقع المنحة خاصك رقم الانخراط لي كاين في البطاقة. الانخراط سهل و الحصول على البطاقة سريع، و التفاعل ديال الموظفين ديال مؤسسة محمد السادس في المستوى حيث كايردو على الهاتف و يحلو المشاكل مشكورين على المجهودات.

تعليقات
ليست هناك تعليقات
إرسال تعليق

إرسال تعليق

ضع تعليقا خاصا ولا تنسى الاعجاب والاشتراك ادا اعجبك الموضوع للتوصل بكل ما هو جديد.شكرا.

الاسمبريد إلكترونيرسالة